Mamlakatimizda davlatimiz rahbarining tashabbusi bilan o‘quvchi-yoshlarning yozgi ta’til davrini mazmunli tashkil etish, ularni madaniy, ma’rifiy va sport tadbirlariga faol jalb qilish maqsadida “Dolzarb 90 kun” loyihasi amalga oshirilmoqda.

O‘zbekiston XDP Mirzo Ulug‘bek tumani Kengashi raisi Shoxzoda Kurbanova va tuman Kengashi deputati Shaxnoza Umarova tumandagi 121-sonli umumta’lim maktabi hamda 148-maktabgacha ta’lim tashkilotida yozgi ta’til davrida “Dolzarb 90 kun” loyihasi doirasida bolalarning vaqtlarini mazmunli o‘tkazish bo‘yicha tashkil etilgan sharoitlar bilan yaqindan tanishdilar.

O‘rganishlar jarayonida loyiha doirasida maktabda o‘quvilar uchun yaratilgan shart-sharoitlar, o‘quv xonalari hamda turli to‘garaklar faoliyati va maktabgacha ta’lim tashkilotidagi bolalarni ovqatlantirish jarayonining sanitariya-gigiyena talablariga muvofiqligi, oziq-ovqat mahsulotlari va ichimlik suvining sifati va xavfsizligi, bolalar sog‘lig‘ini kundalik nazorat qilish va tibbiy xizmat ko‘rsatish holatlari o‘rganildi.