Xalq deputatlari Chilonzor tumani Kengashi deputati Mavlonov Azam Qarshiyevich o‘z saylov okrugida mahalliy Kengash deputati faoliyatining asosiy yo‘nalishlari doirasida, ayniqsa, elektr energiyasi bilan bog‘liq masalalarga oid tavsiyalarni amalga oshirish bo‘yicha o‘rganish ishlarini olib bordi.

🛠O‘rganish jarayonida mahalladagi transformatorlarni ta’mirlash hamda ko‘p qavatli uylarning elektr ta’minoti tizimini yaxshilash bo‘yicha amalga oshirilayotgan chora-tadbirlar bilan yaqindan tanishildi. Xususan, 43-uyda joylashgan asosiy elektr shitlarini ta’mirlash va yangilash ishlari ko‘zdan kechirildi.

⚡️✅Ushbu ishlar aholining uzluksiz va sifatli elektr energiyasi bilan ta’minlanishini yaxshilash, mavjud nosozliklarning oldini olish hamda elektr tarmoqlarining xavfsiz va barqaror ishlashini ta’minlashga xizmat qiladi.

📋🤝Deputat tomonidan aniqlangan masalalar yuzasidan mutasaddi tashkilotlar bilan hamkorlikda ishlar davom ettirilishi va aholi murojaatlarining ijrosi doimiy nazoratda bo‘lishi ta’kidlandi.