Xalq deputatlari tuman Kengashi deputati B.Avliyoqulov o‘z deputatlik faoliyati doirasida Mingbuloq mahalla fuqarolar yig‘inida bo‘lib, hududda olib borilayotgan bunyodkorlik va infratuzilmani rivojlantirish ishlari holatini o‘rgandi. Tashrif davomida elektr energiyasi bilan uzluksiz ta’minlash maqsadida olib borilayotgan elektr tarmoqlarini tortish, zarur kabellarni o‘rnatish va boshqa qurilish-montaj ishlari yuzasidan mutasaddilar hamda mahalla faollari bilan suhbatlashildi. Deputat tomonidan qurilish va obodonlashtirish ishlarining sifati, belgilangan muddatlarda yakunlanishi hamda yaratilayotgan sharoitlarning aholiga qulaylik darajasi alohida nazoratga olindi. O‘rganish jarayonida hudud aholisining taklif va murojaatlari ham tinglanib, mavjud muammolarni hal etish yuzasidan tegishli tashkilotlar vakillariga tavsiyalar berildi. Shuningdek, amalga oshirilayotgan ishlar natijasida mahallada istiqomat qilayotgan fuqarolar uchun yanada qulay infratuzilma yaratish, ijtimoiy xizmatlar sifati va foydalanish imkoniyatlarini kengaytirish muhim ahamiyat kasb etishi ta’kidlandi.