Xalq deputatlari tuman Kengashi deputati O‘.Axmedov Fayziobod mahallasida istiqomat qiluvchi nuroniylar bilan uchrashuv o‘tkazdi. Uchrashuv avvalida deputat mamlakatimizda keksalarni qo‘llab-quvvatlash, ularning hayot sifati va ijtimoiy himoyasini kuchaytirish borasida amalga oshirilayotgan islohotlar haqida to‘xtalib o‘tdi. Nuroniylarning jamiyatdagi o‘rni beqiyos ekanligi, ularning boy hayotiy tajribasi yosh avlodni tarbiyalashda muhim ahamiyat kasb etishi alohida ta’kidlandi. Muloqot davomida mahalladagi ijtimoiy-iqtisodiy masalalar,
aholi turmush sharoitini yanada yaxshilash, obodonlashtirish, yo‘l-infratuzilma va kommunal xizmatlar sifatiga doir taklif va muammolar muhokama qilindi. Nuroniylar tomonidan bildirilgan fikr-mulohazalar va takliflar diqqat bilan eshitilib, ularning har biri yuzasidan tegishli choralar ko‘rish bo‘yicha tavsiyalar berildi. Shuningdek, uchrashuvda yoshlar tarbiyasi, ularni vatanparvarlik ruhida kamol toptirish, kitobxonlikni keng targ‘ib qilish hamda mahallada ma’naviy muhitni yanada mustahkamlash masalalariga alohida e’tibor qaratildi. Nuroniylar tomonidan bu boradagi amaliy takliflar bildirilib, hamkorlikda ishlashga tayyor ekanliklari ta’kidlandi. Deputat mahalla faollari va nuroniylar bilan doimiy muloqotni yo‘lga qo‘yish, aholini qiynab kelayotgan masalalarni
tizimli ravishda o‘rganib borish va ularni hal etishda amaliy yordam ko‘rsatish muhimligini qayd etdi. Uchrashuv yakunida Fayziobod mahallasida ijtimoiy-ma’naviy muhitni yanada yaxshilash, aholi murojaatlarini tizimli hal etish hamda nuroniylar bilan hamkorlikni kuchaytirish bo‘yicha kelgusidagi ustuvor vazifalar belgilab olindi.