Xalq deputatlari Termiz shahar Kengashi raisi D.Normuradova hamda shahar Kengashi deputati X.Fayzullayev "Temiryo‘lchi" mahallasida bo‘lib, mahalla hokim yordamchisining bugungi kundagi ish samaradorligini o‘rgandilar.

⏺Muloqot davomida asosiy e’tibor quyidagi masalalarga qaratildi:

💬 Aholi bandligini ta'minlash: Mahalladagi ishsiz fuqarolar, ayniqsa, xotin-qizlar va yoshlarning bandligini ta’minlash borasida hokim yordamchisi tomonidan ko‘rilayotgan choralar tahlil qilindi. Mavjud bo‘sh ish o‘rinlari va ularga fuqarolarni joylashtirish darajasi ko‘rib chiqildi.

💬 Migratsiyadan qaytgan fuqarolar bilan ishlash: Chet elda ishlab, o‘z yurtiga qaytib kelgan fuqarolar bilan individual ishlash tizimi muhokama qilindi. Ularning bandligini ta’minlash, tadbirkorlik tashabbuslarini qo‘llab-quvvatlash, imtiyozli kredit va subsidiyalar ajratish orqali jamiyatga tezroq moslashishi va daromad manbaiga ega bo‘lishiga ko‘maklashish choralari belgilandi.

💬 Kengash raisi D.Normuradova hokim yordamchisiga migratsiyadan qaytgan har bir fuqaroning muammosini xonadonbay o‘rganish, ularning kasbiy ko‘nikmalaridan kelib chiqib ishga joylashtirish hamda tadbirkorlik loyihalarini yo‘lga qo‘yishda har tomonlama ko‘mak berish yuzasidan aniq tavsiyalar berdi.

💬 "Maqsadimiz — har bir xonadonga barqaror daromad olib kirish, o‘z yurtida ishlashni istagan fuqarolarimiz uchun munosib sharoitlar yaratishdir," — deya ta'kidlandi uchrashuvda.