Deputat fuqarolar fikrini o‘rgandi

🇺🇿 Xalq deputatlari Uchtepa tumani Kengashiga O‘zbekiston “Adolat” SDPdan saylangan, "20-Xirmontepa" okrugi deputati Malikova Saodat Talipovna Birlik mahallasida bo‘lib, fuqarolar bilan ochiq muloqot o‘tkazdi hamda ularni qiynayotgan masalalar yuzasidan fikr-mulohazalarini o‘rgandi.

📈 Mazkur uchrashuv O‘zbekiston “Adolat” SDPning 2024-yilgi “Teng imkoniyatlar va adolatli jamiyat sari” nomli Saylovoldi dasturida belgilangan maqsad va vazifalar, xususan, “Fuqaro bilan yuzma-yuz” loyihasi doirasida aholi bilan bevosita muloqot qilish, ularning fikr va takliflarini o‘rganish hamda mavjud muammolar yechimiga ko‘maklashish maqsadida tashkil etildi.

📇 Muloqot davomida fuqarolar tomonidan ta’lim muassasalarida “Dolzarb 90 kun” dasturi doirasida amalga oshirilayotgan ishlarning sifati, yoshlarning bo‘sh vaqtini mazmunli tashkil etish, yangi o‘quv yiliga tayyorgarlik va qabul jarayonlarining shaffofligi masalalari yuzasidan fikrlar bildirildi. Deputat ushbu masalalar bo‘yicha fuqarolarning taklif va mulohazalarini tinglab, mavjud muammolarni o‘rganishga alohida e’tibor qaratdi.

💬 Shuningdek, uchrashuv davomida mahalla tizimida faoliyat yuritayotgan xodimlarning fuqarolar murojaatlarini ko‘rib chiqish tartibi, murojaatlar bilan ishlash sifati hamda aholini o‘ylantirayotgan masalalarga munosabati yuzasidan ham fikr almashildi. Fuqarolar tomonidan bildirilgan taklif va mulohazalar qayd etilib, ularni tegishli tashkilot va mutasaddilarga yetkazish yuzasidan zarur choralar ko‘rilishi ta’kidlandi.

🗂 Ta’kidlanganidek, fuqarolar murojaatlari bilan ishlash O‘zbekiston Respublikasining 2017-yil 11-sentabrdagi O‘RQ-445-sonli “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqidagi Qonuni hamda boshqa normativ-huquqiy hujjatlar asosida amalga oshiriladi. Mazkur qonun fuqarolarning murojaat qilish huquqlarini ta’minlash, murojaatlarni o‘z vaqtida va sifatli ko‘rib chiqish hamda ularning qonuniy manfaatlarini himoya qilishga xizmat qiladi.

📁 Ko‘chama-ko‘cha o‘rganishlar davomida fuqarolar tomonidan bildirilgan taklif va murojaatlar deputatlik nazoratiga olinishi, ularning yechimi yuzasidan tegishli tashkilotlar bilan hamkorlikda ish olib borilishi hamda zarurat tug‘ilganda deputatlik so‘rovlari chiqarilishi qayd etildi.