ТАШАББУСЛИ БЮДЖЕТ ЛОЙИҲАЛАРИ ДЕПУТАТ НАЗОРАТИДА
Халқ депутатлари Янгиқўрғон тумани Кенгаши депутати Ашуров Алишер Иномович томонидан сайлов округида амалга оширилаётган Ташаббусли бюджет лойиҳалари доирасида ўрганиш ишлари олиб борилди.
Ўрганиш жараёнида Маданият кўчасида амалга оширилган асфалтлаш ишлари кўздан кечирилди. Мазкур лойиҳа доирасида 1 миллиард 600 миллион сўм маблағ эвазига «Namangan Yo‘l Loyiha Byurosi» МЧЖ томонидан йўлни асфалтлаш ишлари тўлиқ якунлангани қайд этилди.
Депутат томонидан бажарилган ишлар сифати, қурилиш меъёрларига риоя этилиши ҳамда аҳоли учун яратилаётган қулайликлар юзасидан фикр-мулоҳазалар билдирилди. Шунингдек, лойиҳанинг ўз вақтида ва сифатли бажарилиши устидан депутатлик назорати давом эттирилиши таъкидланди.
Аҳоли вакиллари ҳам амалга оширилган ишлардан мамнун эканликларини билдириб, ҳудуд инфратузилмасини яхшилашга қаратилган бундай ташаббусларни қўллаб-қувватлашларини маълум қилди.