Deputat rayonlıq Densawlıqtı saqlaw bóliminde úyreniw jumısların alıp bardı.

♻️Xalıq deputatları Shımbay rayonlıq Keńesiniń turaqlı komissiya baslıǵı Q.Xamidullaev hám de turaqlı komissiya aǵzası J.Alieva Shımbay rayonı Densawlıqtı saqlaw bóliminde úyreniw jumısların alıp bardı.

Úyreniw dawamında xalıqqa medicinalıq xızmet kórsetiw sapası, densawlıqtı saqlaw mákemeleriniń jumısı, dári-dármaq támiynatı, medicinalıq úskenelerden nátiyjeli paydalanıw hám tarawda ámelge asırılıp atırǵan baǵdarlamalardıń orınlanıwı talıqlandı.

Sonday-aq, puqaralardıń múrájatları menen islesiw jaǵdayı, bar mashqalalar hám olardı saplastırıw boyınsha kórilip atırǵan ilajlar boyınsha juwapker xızmetkerler menen dodalawlar ótkerildi.

Úyreniw jumıslarınıń juwmaqları boyınsha xalıqqa kórsetilip atırǵan medicinalıq xızmetlerdiń sapasın bunnan bılay da arttırıw, tarawdaǵı bar kemshiliklerdi saplastırıw hám medicina mákemeleriniń jumıs nátiyjeliligin kúsheytiw boyınsha tiyisli usınıslar berildi.