Bugungi kunda Bog‘ot tuman sport maktabida 22 ta sport turi bo‘yicha 1723 nafar yoshlar muntazam shug‘ullanib kelmoqda. Ularning 428 nafarini qizlar tashkil etadi.

Tumanda sportni ommalashtirish va yoshlarni jalb etish maqsadida 43 ta mahallada tizimli ishlar yo‘lga qo‘yilgan bo‘lib, 9 nafar trener-seleksioner mahallalarga biriktirilgan.

2026 yil davomida sportchilarimiz respublika chempionatlari va kuboklarida 41 ta, xalqaro musobaqalarda esa 14 ta medalni qo‘lga kiritdi.

Qozog‘iston, Tojikiston va O‘zbekistonda o‘tkazilgan nufuzli xalqaro musobaqalarda Bog‘ot tumani yoshlari munosib ishtirok etib, Osiyo chempionati g‘olibligi, xalqaro turnirlar g‘olibligi hamda jahon chempionati yo‘llanmalarini qo‘lga kiritdi.

2026 yilda 21 nafar sportchi O‘zbekiston milliy terma jamoasi tarkibiga, 138 nafar sportchi esa viloyat terma jamoasiga qabul qilingan.

Tuman hokimi Olimpiadasida 1250 nafar sportchi ishtirok etib, 274 nafari g‘olib va sovrindor bo‘lgan. Viloyat bosqichida esa 50 nafar sportchimiz sovrindor bo‘lib, 18 nafari Prezident Olimpiadasiga yo‘llanmani qo‘lga kiritgan.