Xalıq deputatları Bozataw rayonlıq Keńesi 8-“Erkindárya” saylaw okruginen (ÓzLiDeP) deputat J.Jumanazarov tárepinen óz saylaw okrugi aymaǵındaǵı turǵınlardıń turmıs sharayatın, isbilermenlik baslamaların hám ámelge asırılıp atırǵan jumıslardı jaqınnan úyreniw maqsetinde gezektegi úyreniwler alıp barıldı.

Úyreniw dawamında deputat, puqara A.Mamekov tárepinen tazadan salınıp atırǵan xızmet kórsetiw obektine barıp, qurılıs jumıslarınıń barısı menen tanıstı. Obyekttiń joybarı, qurılıs sapası, xalıqqa jaratılatuǵın qolaylıqlar hám keleshektegi xızmet túrleri boyınsha pikir almasıwlar bolıp ótti.

Deputat qurılıs jumıslarınıń óz waqtında hám sapalı tamamlanıwınıń áhmiyetine ayrıqsha toqtalıp, isbilermenniń usı baǵdardaǵı baslamaların qollap-quwatlaytuǵınlıǵın bildirdi.

Úyreniw juwmaǵında puqara menen sáwbetlesiw ótkerilip, onı qızıqtırǵan máseleler boyınsha pikirler tıńlandı hám tiyisli usınıslar berildi.