Qurilish ishlari nazorat qilindi.

Xalq deputatlari Qiziltepa tuman Kengashi kotibiyati mudiri U. Bobojonov tumandagi 20-son oilaviy shifokorlik punktida (OShP) olib borilayotgan rekonstruksiya ishlari jarayoni bilan yaqindan tanishdi.

Tashrif davomida qurilish-montaj ishlarining borishi, belgilangan muddatlarga rioya etilishi hamda bunyodkorlik ishlari sifati o‘rganildi.

Shuningdek, qurilishda foydalanilayotgan materiallarning turi, sifati va mustahkamligi ko‘zdan kechirilib, ularning amaldagi me’yor va talablarga mosligi yuzasidan mas’ullarning axborotlari tinglandi.

Kotibiyat mudiri tomonidan obyektni sifatli va belgilangan muddatlarda foydalanishga topshirish, qurilish jarayonida xavfsizlik qoidalariga qat’iy rioya etish hamda ishlatilayotgan qurilish mahsulotlarining sifat ko‘rsatkichlarini doimiy nazorat qilib borish yuzasidan tegishli tavsiyalar berildi.