“ЯНГИ ЎЗБЕКИСТОН ҚИЁФАСИДАГИ МАҲАЛЛА” ЛОЙИҲАСИДА АМАЛГА ОШИРИЛАЁТГАН ИШЛАР ЎРГАНИЛДИ
Халқ депутатлари Янгиқўрғон тумани Кенгаши раиси Мамажонов Равшан Раҳмонжонович ҳамда Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна томонидан Қораполвон маҳалласида “Янги Ўзбекистон қиёфасидаги маҳалла” лойиҳаси доирасида амалга оширилаётган ишлар жойига чиққан ҳолда ўрганилди.
Ўрганиш давомида маҳаллада барпо этилаётган ижтимоий инфратузилма объектлари, ободонлаштириш ва кўкаламзорлаштириш ишлари, аҳоли учун яратилаётган қулай шарт-шароитлар ҳамда лойиҳанинг ижро ҳолати кўздан кечирилди.
Шунингдек, қурилиш ва таъмирлаш ишларининг сифати, белгиланган муддатларда якунланиши, аҳоли учун хизмат қиладиган объектларнинг самарали фаолият юритиши юзасидан масъулларга тегишли тавсия ва кўрсатмалар берилди.
Таъкидланганидек, “Янги Ўзбекистон қиёфасидаги маҳалла” лойиҳаси доирасида амалга оширилаётган ишлар аҳолининг турмуш шароитини янада яхшилаш, маҳаллалар инфратузилмасини ривожлантириш ҳамда ҳудудларнинг замонавий қиёфасини шакллантиришга хизмат қилади.