Xalq deputatlari Mirzo Ulug‘bek tumani Kengashi raisi Muyassar Yuldasheva va Kengash kotibiyati mudiri Shoanvar Shomaxmudov tomonidan “Shalola” mahallasida “mahalla yettiligi” tomonidan amalga oshirilayotgan ishlar holati o‘rganildi.

O‘rganishlar jarayonida “mahalla yettiligi”ning mahallaning iqtisodiy, ijtimoiy masalalari, xotin-qizlar, yoshlar va nuroniylar hayoti, oilalarni mustahkamlash, hudud infratuzilmasi bilan bog‘liq vazifalar va jinoyatchilikni barvaqt oldini olish yuzasidan amalga oshirilayotgan ishlar bo‘yicha ahborotlari tinglandi.

Shuningdek, mahallada xotin-qizlarning iqtisodiy faolligini oshirish, kasbga o‘qitish va bandligini ta’minlash, ularni tadbirkorlikka keng jalb etish bo‘yicha yaratilgan qulay shart-sharoitlar ko‘rib chiqildi.