Xalq deputatlari Angor tumani Kengashi 4-Tallimaron saylov okrugi deputati Djumayev Zafar Unarovich tomonidan mahalla yettiligi faoliyati o‘rganildi.


O‘rganish jarayonida tuman Kengashi kotibiyati mudiri Raximqulov Jamshid ham ishtirok etdi. O'rganish davomida Yuqori Tallimaron mahallasida amalga oshirilayotgan ishlar, aholi murojaatlari bilan ishlash holati hamda mahalla yettiligi faoliyati atroflicha tahlil qilindi.


Mazkur o‘rganish O‘zbekiston Respublikasi Prezidentining 209-son Farmoni doirasida tashkil etildi. Mahalla raisi Bozorov Rustam tomonidan hududda amalga oshirilgan bunyodkorlik va ijtimoiy ishlar, mavjud muammolar hamda ularni bartaraf etish bo‘yicha olib borilayotgan chora-tadbirlar yuzasidan deputatga batafsil ma’lumot berildi.


O‘rganish yakunida hududni yanada rivojlantirish, aholi farovonligini oshirish va mahalla tizimi faoliyatini takomillashtirish yuzasidan deputat tomonidan tegishli taklif va tavsiyalar bildirildi.