Xalq deputatlari Uchquduq tuman Kengashi raisi U.Salimov hamda tuman Kengashining 15-sonli “Istiqlol” saylov okrugidan saylangan deputati U.Xudoyqulov tomonidan tuman 1-son texnikumida yoshlarga yaratilgan shart-sharoitlar o‘rganildi.

O‘rganish jarayonida ta’lim muassasasidagi o‘quv xonalari, amaliy mashg‘ulotlar uchun yaratilgan imkoniyatlar, axborot-resurs markazi, sport va madaniy-ma’rifiy faoliyat uchun yaratilgan sharoitlar bilan tanishildi.

Shuningdek, yoshlarning bilim olishi, kasb-hunar egallashi hamda bo‘sh vaqtlarini mazmunli tashkil etish borasida amalga oshirilayotgan ishlar yuzasidan fikr almashilib, mavjud imkoniyatlardan samarali foydalanish bo‘yicha tegishli tavsiyalar berildi.

✅ Yoshlarni har tomonlama qo‘llab-quvvatlash, ularning sifatli ta’lim olishi va zamonaviy kasblarni egallashi uchun yaratilayotgan sharoitlarni yanada yaxshilash doimiy e’tiborda.