Xalq deputatlari Qo‘qon shahar Kengashining 2026-yil 28-martdagi VII-19-28-11-166-K/26-sonli qarori ijrosini ta’minlash maqsadida navbatdagi manzilli monitoring tadbiri o‘tkazildi.

O‘rganishda Kengash kotibiyati mudiri A.Nosirov, kotibiyat bosh mutaxassisi A.Adxamov hamda Mahalliy byudjet komissiyasi a’zolari ishtirok etdilar.

Monitoring davomida S.Abdulla MFY, Yangi dehqon ko‘chasi 7-uyda istiqomat qiluvchi X.Jo‘rayeva xonadonida qaror asosida amalga oshirilayotgan ta’mirlash ishlari bilan yaqindan tanishildi.

“Inson” ijtimoiy xizmatlar markazi direktor o‘rinbosari I.Karimov tomonidan loyiha doirasida ajratilgan yordam va bajarilayotgan ishlar yuzasidan tegishli hujjatlar taqdim etildi.

Ishchi guruh tomonidan xonadonda olib borilayotgan ta’mirlash ishlarining sifati, qurilish materiallarining yetarliligi, ishlarning borishi hamda belgilangan muddatlarga rioya etilishi o‘rganildi.

O‘rganish davomida bajarilayotgan ishlarning sifatli tashkil etilishi, fuqaroga munosib turmush sharoitlarini yaratish hamda obyektni o‘z vaqtida topshirish masalalariga alohida e’tibor qaratildi.

Qabul qilinayotgan qarorlar ijrosini joylarda nazorat qilish, ehtiyojmand fuqarolarni qo‘llab-quvvatlash va ularning yashash sharoitlarini yaxshilash bo‘yicha ishlar izchil davom ettirilmoqda.

Xalq deputatlari Qo‘qon shahar Kengashi