Deputatlik so‘rovi asosida amalga oshirilayotgan ishlar o‘rganildi

Xalq deputatlari Termiz tuman Kengashining 11-Sabzipoya saylov okrugi deputati S.Ikromov Sabzipoya mahalla fuqarolar yig‘ini hududida fuqarolar murojaati asosida deputatlik so‘rovi bilan amalga oshirilayotgan ishlar jarayoni bilan tanishdi.

Jumladan, hududda o‘rnatilgan beton ustunlarga elektr simlarini tortish ishlari ko‘zdan kechirilib, qurilish-montaj ishlari sifati va muddatlariga alohida e’tibor qaratildi.

Deputat aholi uchun qulay va xavfsiz infratuzilma yaratish maqsadida olib borilayotgan mazkur ishlarning o‘z vaqtida va sifatli yakunlanishi muhim ekanligini ta’kidladi hamda mas’ullar bilan bu borada fikr almashdi.

Fuqarolar murojaatlari asosida amalga oshirilayotgan bunday amaliy ishlar hudud infratuzilmasini yaxshilash, aholining turmush sharoitlarini yanada yuksaltirishga xizmat qiladi.