Xalq deputatlari Bekobod shahar kengashi 2-“Do‘stlik” saylov okrugi deputati “Milliy tiklanish” DP a’zosi K.Shukurov, Xalq deputatlari shahar kengashi kotibiyati mudiri X.Ibragimova, bosh mutaxassisi U.Abdunazarov tomonidan nogironligi mavjud bo‘lgan shaxslarga davlat tomonidan berilgan imtiyozlarni to‘g‘ri qo‘llanish holatlari o‘rganildi. O‘zbekiston Respublikasi Vazirlar Mahkamasining 2024-yil 25-yanvardagi 46-sonli qarori asosida Ijtimoiy himoya milliy agentligi tizimiga 11-sonli ko‘p tarmoqli ixtisoslashtirilgan MTT qabul qilingan. Mazkur MTTda 10 ta guruhda 121 nafar alohida ta’lim ehtiyojlari bo‘lgan bolalar tarbiyalanib, shundan 25 nafari tunu-kun ishlaydigan tizimda tarbiyalanadilar. Shundan 43 nafar bolalarda nogironlik mavjud. Mazkur bino 1976-yili qurilib, uzoq yillar davomida ekspulutatsiya qilish natijasida elektr kabellarini almashtirish zaruriyati paydo bo‘lgan. Shuningdek, bolajonlarni qishin-yozin yopiq turdagi suv baseynidan sog‘liklarini tiklash ehtiyojlari mavjud bo‘lib, keyingi yillarda investitsiya dasturlariga yuqoridagi masalalarni kiritish maqsadga muvofiqligi ta’kidlandi.