Xalq deputatlari Shovot tumani Kengashi raisi J.Babajanov hamda Kengash kotibiyati xodimi U.Ruzmetov tomonidan tumandagi Katqala mahallasida mahalla fuqarolar yig‘ini raisi bilan birgalikda qonunchilik hujjatlari ijrosi yuzasidan o‘rganish ishlari olib borildi.
📖 Jumladan, “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi O‘zbekiston Respublikasi Qonuni (O‘RQ–937) hamda “Geografik obyektlarning nomlari to‘g‘risida”gi O‘zbekiston Respublikasi Qonuni (O‘RQ–303, 2011-yil 12-oktyabr) talablari ijrosi o‘rganildi.
📝 O‘rganish davomida mahalla hududidagi yer munosabatlari, manzillarning to‘g‘ri yuritilishi, geografik obyekt nomlarining qonunchilik talablariga muvofiqligi hamda mavjud muammolar yuzasidan tegishli tavsiyalar berildi.
✅ Shuningdek, qonun hujjatlarining mazmun-mohiyatini aholi o‘rtasida keng targ‘ib qilish va ularning ijrosini ta’minlash bo‘yicha vazifalar belgilab olindi.