Xalq deputatlari Qo‘qon shahar Kengashi "Ijtimoiy soha, yoshlar siyosati, madaniyat va sport masalalari bo‘yicha" doimiy komissiyasi qaroriga asosan tashkil etilgan ishchi guruh tomonidan Qo‘qon shahar Sanitariya-epidemiologik osoyishtalik va jamoat salomatligi markazi faoliyati o‘rganildi.

O‘rganishda Kengash kotibiyati mudiri A.Nosirov, kotibiyat bosh mutaxassisi A.Adxamov hamda "Ijtimoiy soha, yoshlar siyosati, madaniyat va sport masalalari bo‘yicha" doimiy komissiyasi a’zolari ishtirok etdilar.

O‘rganish O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni ijrosi holatini tahlil qilish va sohaga oid vazifalarning amalda bajarilishini baholash maqsadida tashkil etildi.

Ishchi guruh a’zolari tomonidan markaz faoliyati doimiy komissiya qarori bilan tasdiqlangan maxsus savolnoma asosida o‘rganilib, qonun talablarining bajarilishi, aholi salomatligini muhofaza qilish borasida amalga oshirilayotgan chora-tadbirlar hamda nazorat mexanizmlarining samaradorligi yuzasidan ma’lumotlar olindi.

O‘rganish davomida sanitariya-gigiyena talablariga rioya etilishi, profilaktik tadbirlar tashkil etilishi, epidemiologik barqarorlikni ta’minlash va jamoat salomatligini muhofaza qilish bo‘yicha amalga oshirilayotgan ishlar atroflicha tahlil qilindi.

Shuningdek, mas’ul mutaxassislar tomonidan ishchi guruhga tegishli hujjatlar, statistik ma’lumotlar hamda amalga oshirilayotgan ishlar yuzasidan hisobotlar taqdim etildi.

O‘rganish yakunlari bo‘yicha aniqlangan holatlar doimiy komissiya yig‘ilishida muhokama qilinishi, mavjud muammolarni bartaraf etish va qonun ijrosini yanada samarali tashkil etish yuzasidan tegishli tavsiyalar ishlab chiqilishi belgilandi.

Fuqarolar salomatligini muhofaza qilish, sanitariya-epidemiologik barqarorlikni ta’minlash va qonunlar ijrosi ustidan deputatlik nazoratini kuchaytirish borasidagi ishlar izchil davom ettirilmoqda.

Xalq deputatlari Qo‘qon shahar Kengashi