Xalıq deputatları Bozataw rayonlıq Keńesiniń 3-“Mádeniyat” saylaw okruginen (XDP) saylanǵan deputat G.Yusupova tárepinen Qusqanataw APJ-daǵı hayal-qızlar belsendesiniń alıp barıp atırǵan jumısları úyrenildi.

Úyreniw dawamında aymaqtaǵı hayal-qızlardı qollap-quwatlaw, olardıń jámiyettegi belsendiligin arttırıw, sociallıq qorǵawǵa mútáj shańaraqlar menen islew, sonday-aq jas qızlar arasında erte nekeniń aldın alıw boyınsha ámelge asırılıp atırǵan ilajlar menen tanısıldı.

Sonday-aq, hayal-qızlar belsendesi tárepinen kem támiyinlengen, kóp balalı hám awır turmıs jaǵdayına túsip qalǵan shańaraqlar menen alıp barılıp atırǵan jumıslar, olardı qollap-quwatlawǵa qaratılǵan is-ilajlar haqqında maǵlıwmatlar tıńlandı.

Úyreniw juwmaǵında hayal-qızlar belsendesi puqaralar menen baylanıstı kúsheytiw hám ámeldegi mashqalalardı waqıtında anıqlap, olardı sheshiw boyınsha usınıslar berildi.