XOTIN-QIZLAR BILAN ISHLASH TIZIMI O‘RGANILDI

Xalq deputatlari Quva tuman Kengashi deputati M.Akramov hamda tuman Kengashi
kotibiyati bosh mutaxassisi A.Fozilov bilan birgalikda Qashqar mahalla
fuqarolar yig‘inida xotin-qizlar faolining faoliyatini o‘rgandilar.

O‘rganish jarayonida mahallada xotin-qizlarni ijtimoiy qo‘llab-quvvatlash,
ularning bandligini ta’minlash, tadbirkorlikka jalb etish, kasb-hunar va
zamonaviy ko‘nikmalarga o‘qitish, shuningdek, mavjud muammolarini aniqlash va
tizimli hal etish borasida amalga oshirilayotgan ishlar tahlil qilindi.

Shuningdek, “Ayollar daftari”ga kiritilgan xotin-qizlar bilan olib borilayotgan
manzilli ishlar, ularga ko‘rsatilayotgan ijtimoiy, huquqiy va moddiy ko‘mak,
daromadli mehnat bilan ta’minlash, tadbirkorlik tashabbuslarini
qo‘llab-quvvatlash hamda ijtimoiy himoya mexanizmlaridan samarali foydalanish
holati o‘rganildi.

O‘rganish yakunida xotin-qizlarning bandligini oshirish, tadbirkorlikka jalb
etish va ijtimoiy qo‘llab-quvvatlash ishlarini yanada kuchaytirish bo‘yicha
tegishli tavsiyalar berildi.

Aniqlangan kamchiliklar yesa deputat tomonidan “Deputatning ko‘cha daftari”ga
kiritilib, ularni hal etish yuzasidan tegishli tavsiyalar berildi.