Mazkur tanlovda Xalq deputatlari Yunusobod tumani Kengashi deputati Gulirano Azimova ham ishtirok etib, inklyuziv ta’limni rivojlantirish, alohida ta’lim ehtiyojlari bo‘lgan bolalarni qo‘llab-quvvatlash hamda maxsus pedagoglar mehnatini munosib e’tirof etish muhimligini ta’kidladi.

Tanlovdan ko‘zlangan asosiy maqsad — inklyuziv ta’lim sifatini oshirish, maxsus pedagoglarning kasbiy mahoratini qo‘llab-quvvatlash, ularning ilg‘or ish tajribalarini aniqlash va ommalashtirishdan iborat.

Tanlov nizomiga muvofiq, unda Maktabgacha va maktab ta’limi vazirligi tizimidagi umumiy o‘rta ta’lim maktablarining inklyuziv ta’lim sinflarida faoliyat olib borayotgan maxsus pedagoglar ishtirok etdi. Bellashuv 3 ta shart asosida tashkil etildi.

Ma’lumot uchun, bugungi kunda Toshkent shahrida 131 ta umumta’lim maktabining 470 ta inklyuziv ta’lim sinflarida 670 nafar alohida ta’lim ehtiyojlari bo‘lgan o‘quvchi ta’lim olmoqda. Ular bilan 270 nafar maxsus pedagog tomonidan korreksion-rivojlantiruvchi mashg‘ulotlar olib borilmoqda.

Bunday tanlovlar maxsus pedagoglarning kasbiy salohiyatini oshirish, inklyuziv ta’lim tizimini yanada rivojlantirish hamda har bir bolaning sifatli ta’lim olish imkoniyatlarini kengaytirishga xizmat qiladi.

Bizni kuzatishda davom eting!