Nurafshon mahallasida amalga oshirilgan bunyodkorlik ishlari o‘rganildi

Xalq deputatlari Surxondaryo viloyati Kengashi kotibiyati mudiri Sh.Boyqulov hamda tuman Kengashi kotibiyati mudiri A.Avliyakulov Nurafshon mahalla fuqarolar yig‘inida aholi uchun yaratilayotgan qulayliklar va amalga oshirilgan bunyodkorlik ishlari bilan yaqindan tanishdi.

O‘rganish davomida mahallada barpo etilgan zamonaviy piyodalar yo‘lakchalari, o‘rnatilgan tungi yoritish chiroqlari hamda fuqarolarning dam olishi uchun tashkil etilgan qulay o‘rindiqlar ko‘zdan kechirildi. Mazkur ishlar mahalla aholisining kundalik hayotida qulaylik yaratish, piyodalar xavfsizligini ta’minlash va hududning obod qiyofasini shakllantirishga xizmat qilayotgani ta’kidlandi.

Shuningdek, 25-sonli umumta’lim maktabida olib borilayotgan rekonstruksiya ishlari bilan ham tanishilib, qurilish jarayonlarining borishi, ishlar sifati va belgilangan muddatlarda yakunlanishi masalalari muhokama qilindi.

Mas’ullar tomonidan amalga oshirilayotgan ishlar yuzasidan tegishli tavsiyalar berilib, hududni yanada obod va zamonaviy maskanga aylantirish borasidagi ishlarni izchil davom ettirish zarurligi qayd etildi.

Nurafshon mahallasida amalga oshirilayotgan bunyodkorlik va obodonlashtirish ishlari aholi turmush farovonligini oshirish, qulay hamda xavfsiz muhit yaratishga xizmat qilmoqda.