“Fuqarolar tashabbusi” loyihalari ijrosi yuzasidan monitoring o‘tkazildi

Termiz tumanida “Fuqarolar tashabbusi” doirasida amalga oshirilayotgan loyihalar ijrosi yuzasidan navbatdagi nazorat-o‘rganish ishlari olib borildi.

Mazkur jarayonda Xalq deputatlari Termiz tuman Kengashi kotibiyati mudiri A. Avliyakulov, Termiz tumani markazlashgan moliya-buxgalteriya bo‘limi bosh hisobchisi A. Ibragimov hamda maxsus ta’mirlash-ekspluatatsiya bo‘limi boshlig‘i I. Norqobilov ishtirok etdi.

Monitoring tadbirlari davomida hududlarni ijtimoiy-iqtisodiy rivojlantirishga qaratilgan, jamoatchilik fikri asosida tanlab olingan g‘olib loyihalarning amalga oshirilish holati joyiga chiqib o‘rganildi. Shuningdek, O‘zbekiston Respublikasi Prezidentining PQ-5072-sonli hamda Oliy Majlis Senati Kengashining KQ-666-IV-sonli qarorlarida belgilangan vazifalar ijrosini ta’minlash masalalariga alohida e’tibor qaratildi.

O‘rganishlar davomida 2026-yil 1-bosqichida “Fuqarolar tashabbusi” jamg‘armasi mablag‘lari hisobidan moliyalashtirilayotgan loyihalar, jumladan Sabzipoya va Jo‘yjangal MFY hududlaridagi 13- hamda 15-umumiy o‘rta ta’lim maktablarida olib borilayotgan moddiy-texnik bazani mustahkamlash ishlari ko‘zdan kechirildi. Jarayonning sifati, belgilangan muddatlarga rioya etilishi va ishlarning amaldagi holati tahlil qilindi.