Muassasada 4 nafar vrach, 23 nafar hamshira, 2 nafar kichik tibbiy xodim va 3 nafar qorovul faoliyat olib borayotgani ma’lum qilindi.

Oilaviy shifokorlik punkti tomonidan 7 340 nafar aholiga tibbiy xizmat ko‘rsatilib, shundan 1 122 nafar fuqaro doimiy tibbiy nazoratga olingan.

Profilaktik tadbirlar doirasida 1 300 dona Mebendazol tabletkasi 2 yoshdan 10 yoshgacha bo‘lgan bolalarga tarqatilgan.

Shuningdek, 45 400 dona Yodamarin tabletkasi 3 yoshdan 15 yoshgacha bo‘lgan 1 356 nafar bolaga yetkazib berilgan.

2 040 dona Mikronutrient vositasi 6 oydan 23 oygacha bo‘lgan 68 nafar bolaga tarqatilgan.

Homilador ayollar salomatligini mustahkamlash maqsadida 50 qadoq Prenatal Vit N180 preparati 50 nafar homilador ayolga berilgan.

Bundan tashqari, hududda 10 nafar doimiy parvarishga muhtoj fuqaro nazoratga olinib, ularga zarur tibbiy va ijtimoiy xizmatlar ko‘rsatib kelinmoqda.

O‘rganish davomida aholiga sifatli tibbiy xizmat ko‘rsatish, profilaktik tadbirlar samaradorligini oshirish hamda tez tibbiy yordam xizmatlari faoliyatini yanada takomillashtirish masalalariga alohida e’tibor qaratildi.