Xalq deputatlari Rishton tuman Kengashi deputatlari “Rishton" bolalar sog‘lomlashtirish oromgohida yozgi mavsumga tayyorgarlik ishlari bilan tanishdilar.

🔹 Xalq deputatlari Rishton tuman Kengashi kotibiyati mudiri A. Sobirov, “Korrupsiyaga qarshi kurashish va xavfsizlik masalalari” hamda “Ijtimoiy soha, yoshlar siyosati, madaniyat va sport masalalari” bo‘yicha doimiy komissiya raislari B. Ermatov, X. Sharipova va O‘zLiDeP tuman kengashi apparati rahbari R. Jamolov ishtirokida “Rishton" bolalar sog‘lomlashtirish oromgohiga tashrif buyurildi va yozgi mavsumga tayyorgarlik ishlari o‘rganildi.

🔹 Tashrif davomida oromgohda mavsumga tayyorgarlik yuzasidan amalga oshirilayotgan ta’mirlash va obodonlashtirish ishlari ko‘zdan kechirilib, bolalar uchun qulay va xavfsiz sharoitlar yaratish masalalari muhokama qilindi.

🔹 Shuningdek, oromgohga olib boruvchi yo‘llarda yo‘l ko‘rsatkich belgilarining yetarli emasligi, tungi vaqtda yoritish tizimi, xususan prozhektorlar o‘rnatilmagani kabi qator kamchiliklar aniqlandi.

🔹 Aniqlangan kamchiliklarni bartaraf etish bo‘yicha tegishli mas’ullarga aniq vazifalar belgilab berildi.

🔹 Bolalarning yozgi ta’tili mazmunli, xavfsiz va qulay sharoitlarda o‘tishi deputatlarning doimiy e’tiborida.