Xalq deputatlari tuman Kengashi raisi T.Soliyev hamda kotibiyat mudiri M.Qoraboyeva tomonidan Obisiyo mahalla fuqarolar yig‘inida aholi bilan uchrashuv o‘tkazildi.

Mazkur uchrashuvda Oʻzbekiston Respublikasining “Fuqarolar yigʻini raisi saylovi toʻgʻrisida”gi O‘RQ-499-sonli Qonunining mazmun-mohiyati yuzasidan batafsil ma’lumot berildi. Jumladan, fuqarolar yig‘ini raisi saylovi fuqarolarning o‘zini o‘zi boshqarish organlaridagi muhim demokratik jarayon ekani, saylovlar oshkoralik, tenglik, erkinlik hamda yashirin ovoz berish tamoyillari asosida o‘tkazilishi alohida ta’kidlandi.

Shuningdek, nomzodlarni ilgari surish tartibi, saylovni tashkil etish va o‘tkazish jarayonlari, ovoz berish tartibi hamda natijalarni aniqlash mexanizmlari yuzasidan tushuntirishlar berildi.

Yig‘ilish yakunida ishtirokchilarning savollariga javoblar berilib, mahalla boshqaruvida qonuniylik va shaffoflikni ta’minlash muhim ahamiyat kasb etishi qayd etildi.