Prezidentimiz tomonidan payshanba kuni “Yoshlar kuni” deb e’lon qilinganligi munosabati bilan Xalq deputatlari G‘ozg‘on shahar Kengashi deputati, shahar hokimi Nurali Jo’rayev hamda tegishli mas’ullar joyiga chiqib, bir guruh yoshlar bilan uchrashdi.

Uchrashuv davomida yoshlarning muammo va takliflari bevosita joyida o‘rganilib, ularni qo‘llab-quvvatlash, bandligini ta’minlash, tashabbuslarini rivojlantirish hamda bo‘sh vaqtini mazmunli tashkil etish masalalari muhokama qilindi.

Shahar hokimi yoshlar bilan ochiq muloqot olib borib, har bir murojaat e’tibordan chetda qolmasligini ta’kidladi. Bildirilgan taklif va muammolarni hal etish yuzasidan tegishli mutasaddilarga aniq topshiriqlar berildi.