#deputat_axboroti #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputati Davronbek Ravshanbekov 2026-yilning birinchi choragi bo‘yicha axborot berdi

📍 Xalq deputatlari Toshkent shahar Kengashi deputati Davronbek Ravshanbekov Yashnobod tumani “Uchchinor” mahalla fuqarolar yig‘inida 2026-yilning birinchi choragi davomida amalga oshirgan faoliyati yuzasidan saylovchilar oldida axborot berdi. Unda Yashnobod tuman Qurilish va uy-joy kommunal bo‘lim boshlig‘i Dehqonali Turobov, “Madad” NNO xodimi, tuman Kengashi deputati O‘rol Muhammadiyev, gaz ta’minoti aholiga xizmat ko‘rsatish xizmati boshlig‘i Nodir Buzurxonov, “Suvsoz” hudud muhandisi Otabek Ahmadov, Obodonlashtirish boshqarmasi bo‘lim boshlig‘i Sardor Abdurahmonov, tuman Adliya bo‘limi boshlig‘i Bobur Mahmudov hamda boshqa mutasaddi tashkilot vakillari, mahalla faollari va fuqarolar, yettilik a’zolari ishtirok etdi.

📝 Axborot davomida deputat tomonidan hududlarda aholi farovonligini oshirish, bandlikni ta’minlash, infratuzilmani rivojlantirish hamda mahallalarda xavfsiz va obod muhit yaratish borasida amalga oshirilgan ishlar haqida batafsil ma’lumot berildi. Xususan, mahallabay ishlash tizimi asosida muammolarni aniqlash va ularni manzilli hal etish, fuqarolar murojaatlari bilan ishlash hamda ularning yechimiga qaratilgan amaliy choralar ko‘rilgani ta’kidlandi.

📊 Shuningdek, deputat joriy yil davomida Xalq deputatlari Toshkent shahar Kengashining 3 ta sessiyasida faol ishtirok etib, hududlarni ijtimoiy-iqtisodiy rivojlantirish, kommunal xizmatlar sifatini oshirish va aholi murojaatlarini tizimli hal etish yuzasidan qator takliflar ilgari surganini qayd etdi.

🌀 Yig‘ilish davomida fuqarolar tomonidan ko‘tarilgan muammolar tegishli tashkilotlardan kelgan mas’ullar bilan birgalikda muhokama qilinib, ularning ayrimlari joyida yechim topdi. Shuningdek, “Madad” NNO xodimi tomonidan fuqarolarga mavjud muammolarni hal etish yuzasidan huquqiy yordam ko‘rsatildi.

🗣 Uchrashuv davomida mahalla aholisi tomonidan yo‘l infratuzilmasi, kommunal xizmatlar, elektr va gaz ta’minoti, obodonlashtirish masalalari yuzasidan taklif va mulohazalar bildirildi.

 🔺 Axborot yig‘ilishidan so‘ng fuqarolar tomonidan ko‘tarilgan masalalar yuzasidan hududlarga chiqib o‘rganish ishlari olib borildi. Jumladan, piyodalar o‘tish yo‘lagi belgisi mavjud hududlarda yo‘l chiziqlari yetarli emasligi, ayrim avtobus bekatlarida qulay sharoitlar yaratilmagani, elektr ta’minoti tizimida simlarning to‘liq tartibga keltirilmagani hamda tungi yoritish chiroqlari o‘rnatilmagan holatlar aniqlandi.

🔎 Yakunda mazkur muammolarni bartaraf etish yuzasidan tegishli tashkilotlarga deputatlik so‘rovlari yuborilishi va ularning ijrosi qat’iy nazoratga olinishi belgilandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)