Xalq deputatlari Boyovut tuman Kengashi 19-U.Yusupov deputati Gulsara Rizayeva tomonidan “U.Yusupov” mahallasida saylovchilar bilan navbatdagi uchrashuv tashkil etildi. Mazkur uchrashuv davomida deputat tomonidan joriy yilning 1-choragi yakunlari yuzasidan amalga oshirilgan ishlar haqida batafsil axborot berildi.

Mazkur uchrashuv davomida deputat tomonidan joriy yilning 1-choragi yakunlari yuzasidan amalga oshirilgan ishlar haqida batafsil axborot berildi. Xususan, o‘tgan davr mobaynida fuqarolarning murojaat va takliflarini o‘rganish, hududdagi dolzarb muammolarni aniqlash hamda ularni tegishli tashkilotlar bilan hamkorlikda bartaraf etish borasida olib borilgan ishlar yuzasidan atroflicha ma’lumot taqdim etildi.

Qayd etilishicha, deputat tomonidan hisobot davrida 3 ta deputatlik so‘rovi yuborilib, muhim masalalar tegishli idoralar darajasida ko‘rib chiqilgan. Shuningdek, jami 9 ta murojaat o‘rganilib, ularning 5 tasi ijobiy hal etilgan, 4 tasi yuzasidan esa amaldagi qonunchilik asosida tushuntirishlar berilgan.

Bundan tashqari, deputat tomonidan 2 marotaba sayyor qabul o‘tkazilib, fuqarolar bilan bevosita muloqot yo‘lga qo‘yilgan. Targ‘ibot ishlari doirasida “Nurli istiqbol” (https://t.me/BoyovutKengashiYangiliklari/3737) gazetasida 1 ta maqola chop etilgan. Shuningdek, Gulsara Rizayeva 4 ta doimiy komissiya yig‘ilishlarida faol ishtirok etib, tuman miqyosidagi muhim masalalarning muhokamasida munosib hissa qo‘shgan.

Uchrashuv yakunida fuqarolar tomonidan bildirilgan taklif va murojaatlar qayd etilib, ularning ijrosini ta’minlash yuzasidan tegishli choralar ko‘rilishi ma’lum qilindi.