Xalıq deputatları Taxtakópir rayonlıq Keńesi sekretariatı baslıǵı, Ózbekstan XDP nan deputat Jusipov Timur Shınıbaevich aymaq turǵınları menen ushırastı.

Bunnan bir qansha múddet ilgeri aymaq turǵınları tárepinen «A.Adilov» APJ nıń ishki jolları jaramsız jaǵdayǵa kelip qalǵanlıǵı boyınsha múrájat bildirilgen edi. Usı múrájatqa tiykarlanıp deputat T.Jusipov tárepinen deputatlıq baslaması menen "máhálle jetiligi" hám aymaq turǵınları menen birgelikte "Ashıq byudjet" joybarı arqalı usı jollardı ońlaw boyınsha dawıs jıynaw jumısları nátiyjeli shólkemlestirildi. Belsendilik hám awızbirshilik nátiyjesinde eki joybar, atap aytqanda A.Adilov APJ máhállesine kirer joldıń dárwazadan mektepke shekemgi aralıqqa 1,5 km asfalt qaplamasın tósew ushın 1 500 000 000 swm hámde Sarıaltın, Qaharman kóshelerine 1,590 km asfalt qaplamasın tósew ushın 1 647 800 758 swm qarjı ajıratılǵanlıǵın aytıp ótti.