🔹Tomonlar aholi uchun sayyor qabullar o‘tkazishda, jumladan, deputatlarning o‘z okruglarida saylovchilari bilan uchrashuvlarida birgalikda ishtirok etmoqdalar. Kengash deputatlari va kotibiyat xodimlari uchun seminarlar, o‘quv mashg‘ulotlari, mahalliy Kengash doimiy komissiyalarining nazorat sohasidagi vakolatlarini samarali amalga oshirishiga ko‘maklashish va aholi o‘rtasida huquqiy ma’rifat hamda axborot-targ‘ibot tadbirlarini o‘tkazishda o‘zaro hamkorlikni yo‘lga qo‘yish nazarda tutilgan.

✅Mahalliy kengash deputati Muqimjon Dehqonov, Uchko‘prik tumani Adliya bo‘limi boshlig‘i Shukurjon Xolmatov hamda “Madad” NTT tuman bo‘limi mas’ul xodimi Ravshanjon Alijonov ishtiroklarida xalq deputatlari tuman Kengashining 3-Yoyilma saylov okugi-hududida joylashgan 15-umimiy o‘rta ta’lim maktabi pedagoglari va aholi vakillari o‘rtasida huquqiy madaniyatni yuksaltirish va huquqiy ma’rifat targ‘ibotiga bag‘ishlangan ochiq muloqot shaklidagi uchrashuv bo‘lib o‘tdi.

✅Bunday uchrashuvlardan asosiy maqsad aholiga bepul yuridik yordam ko‘rsatish orqali jamiyatda huquqiy ong va huquqiy madaniyatni yuksaltirishga ko‘maklashish hisoblanadi. Shu ma’noda aytish mumkinki, ochiq muloqotda fuqarolarni qiziqtirgan savollarga javoblar hamda huquqiy maslahatlar berildi.

Xalq deputatlari Uchko‘prik tumani Kengashi