📍 Yangihayot tumani “Al-Farg‘oniy” mahalla fuqarolar yig‘inida o‘tkazilgan yig‘ilishda Xalq deputatlari Toshkent shahar Kengashi deputati Suhrob Saifnazarov 2026-yilning birinchi choragi davomida amalga oshirgan faoliyati yuzasidan mahalla faollari va saylovchilar oldida axborot berdi.

✅ Yig‘ilishda mahalla yettiligi, kengash a’zolari, profilaktika inspektori, hokim yordamchisi, xotin-qizlar faoli, ijtimoiy xodimlar hamda yoshlar yetakchilari ishtirok etib, chorak davomida amalga oshirilgan ishlar yuzasidan o‘z yo‘nalishlari bo‘yicha axborot taqdim etdilar.

🗣 Deputat o‘z hisobotida aholi murojaatlarini o‘rganish, ularni tizimli hal etish, mahalladagi ijtimoiy muammolarni bartaraf etish hamda hudud infratuzilmasini yaxshilash borasida olib borilgan ishlar haqida batafsil ma’lumot berdi. Ta’kidlanganidek, fuqarolardan kelib tushgan murojaatlar asosida bir qator masalalar joyida hal etilib, ayrimlari yuzasidan tegishli tashkilotlar bilan hamkorlikda ishlar olib borilmoqda.

📊 Shuningdek, yig‘ilish davomida mahallada jinoyatchilik va huquqbuzarliklarning oldini olish, murojaatlar bilan ishlash tizimini takomillashtirish hamda aholi bilan manzilli ishlash masalalari muhokama qilindi.

🌀 Bundan tashqari, deputat 2026-yilning birinchi choragi davomida Xalq deputatlari Toshkent shahar Kengashining sessiyalarida hamda doimiy komissiyalar yig‘ilishlarida faol ishtirok etib, hududlarni ijtimoiy-iqtisodiy rivojlantirish, aholi muammolarini hal etish va mahallalar bilan hamkorlikni kuchaytirishga qaratilgan masalalar muhokamasida qatnashdi hamda qabul qilingan qarorlar ijrosi ustidan deputatlik nazoratini olib bordi.

📌 Shu bilan birga, deputat tomonidan “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning mahalla yettiligi bilan o‘zaro hamkorligini kuchaytirish chora-tadbirlari to‘g‘risida”gi qaror ijrosini ta’minlash maqsadida “Al-Farg‘oniy” mahallasida 2026-yilning ikkinchi choragida amalga oshiriladigan ishlar rejalashtirilgani ma’lum qilindi.

🗣 Uchrashuv yakunida bildirilgan taklif va mulohazalar asosida tegishli vazifalar belgilab olinib, ularni amalga oshirish yuzasidan mas’ul tashkilotlar bilan hamkorlikda ishlar davom ettirilishi hamda deputatlik nazorati o‘rnatilishi ta’kidlandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)

Slide 1 of 10