👩‍🍳 Xalq deputatlari Nurobod tumani Kengashi raisi Z.Suyarova, tuman Kengashi deputati G.Xusanova, shuningdek Xalq deputatlari Nurobod tumani Kengashi huzuridagi ekspert guruhi a’zosi hamda tumanda autsorsing usulida sog‘lom ovqatlantirishni tashkil etish bo‘yicha tuzilgan ishchi guruh vakillari ishtirokida tuman sog‘liqni saqlash bo‘limida o‘rganish ishlari olib borildi.

📊O‘rganish davomida aholi, ayniqsa bolalar va ijtimoiy muassasalarda sog‘lom ovqatlantirishni tashkil etish holati, autsorsing tizimi samaradorligi hamda amaldagi muammolar atroflicha tahlil qilindi.

🖊Mas’ullar tomonidan sohadagi kamchiliklarni bartaraf etish, oziq-ovqat mahsulotlari sifati va xavfsizligini ta’minlash, shuningdek, aholi o‘rtasida sog‘lom turmush tarzini keng targ‘ib etish bo‘yicha taklif va tavsiyalar ishlab chiqildi.

✔️Bu kabi o‘rganishlar aholi salomatligini mustahkamlash, ayniqsa yosh avlod uchun sifatli va xavfsiz ovqatlanish tizimini yo‘lga qo‘yishda muhim ahamiyat kasb etadi.