Xalq deputatlari Zarbdor tuman Kengashi deputati Gulzoda Xudoyarovaning so‘roviga asosan "Toza hudud" DM tuman bo‘limi tomonidan quyidagi ishlar amalga oshirildi:

Infratuzilmani yangilash: Mazkur mahallalarga 2025-2026 yillar davomida jami 22 ta yangi chiqindi konteynerlari o‘rnatildi. Shuningdek, 2026-yilning aprel-may oylari yakuniga qadar yana 15 ta qo‘shimcha konteyner qo‘yilishi rejalashtirildi.

Grafikni tartibga solish: Chiqindi olib chiqish yo‘nalishlari grafigi tuman hokimligi bilan hamkorlikda qayta tasdiqlanib, mahalla e’lonlar taxtalariga joylashtirildi.

Tizimli tashish: Hozirgi kunda "Mustaqillik" MFYda doimiy grafik, "Tinchlik" MFYda esa haftaning dushanba va payshanba kunlari maxsus texnikalar yordamida chiqindilarni uzluksiz olib chiqib ketish yo‘lga qo‘yilgan.

Mazkur masala deputat tomonidan to‘liq nazoratga olingan bo‘lib, hududning sanitariya holatini yaxshilash choralari davom etmoqda.