Jizzax viloyati hokimining 2026-yil 28-yanvardagi 01-12-sonli majlis bayoni bilan tasdiqlangan kompleks chora-tadbirlar rejasiga muvofiq, Zarbdor tumani Do‘stlik mahallasida navbatdagi targ‘ibot-tashviqot tadbiri tashkil etildi.

Mazkur tadbirda Xalq deputatlari Zarbdor tuman Kengashi raisi, 1-Bo‘ston saylov okrugi deputati A.Aralov ishtirok etib, yig‘ilganlarga “Jaholatga qarshi – ma’rifat” g‘oyasining mazmun-mohiyati yuzasidan atroflicha tushuntirishlar berdi. Xususan, dinning insonparvarlik, ezgulik va tinchlikka chorlovchi fazilatlari, diniy bag‘rikenglik tamoyillari, jamiyatda ijtimoiy-ma’naviy muhit barqarorligini ta’minlash, qonun ustuvorligi hamda oila muqaddasligini asrash masalalariga alohida e’tibor qaratildi.

Shuningdek, Kengash raisi tomonidan saylovchilar bilan ochiq muloqot tashkil etilib, fuqarolarni qiziqtirgan masalalar yuzasidan batafsil javoblar berildi.

Tadbir yakunida ushbu yo‘nalishda tayyorlangan videorolik namoyish etildi.

Mazkur targ‘ibot tadbirlari aholi o‘rtasida sog‘lom ijtimoiy-ma’naviy muhitni mustahkamlash, yoshlarni yot g‘oyalardan asrash hamda jamiyatda barqarorlikni ta’minlashga xizmat qilmoqda.