Xalq deputatlari Zarbdor tuman Kengashining 5-Navoiy saylov okrugi deputati Z.Umurzakov hamda 11-Oqbuloq saylov okrugi deputati T.Qodirov tomonidan Navoiy mahallasida amalga oshirilishi rejalashtirilayotgan yirik qurilish loyihalari bilan tanishildi.

Xususan, hududda “Yangi O‘zbekiston qiyofasi” asosida barpo etiladigan zamonaviy mahalla loyihasi ko‘rib chiqilib, unda yoshlar uchun 📚o‘quv markazlari, 💻IT markaz, 🏬 savdo va servis obyektlari, ☕️ kafe va restoranlar hamda 🌳 sayr qilish uchun yashil hududlar tashkil etish rejalashtirilgani ma’lum qilindi.

Shuningdek, hududda aholi, ayniqsa yoshlar uchun sog‘lom turmush tarzini keng targ‘ib etish maqsadida sport majmualari qurilishi rejalashtirilgan bo‘lib, ular tarkibida futbol maydoni, voleybol maydoni, tennis korti, kurash zali, futzal hamda basseyn barpo etilishi ko‘zda tutilgan.

Mazkur loyihalar hudud infratuzilmasini tubdan yaxshilash, aholi uchun qulay shart-sharoitlar yaratish hamda zamonaviy va obod muhitni shakllantirishga xizmat qilishi ta’kidlandi.