Xalq deputatlari Paxtakor tumani Kengashi 15-Pangat saylov okrugi deputati Do’squlova Dilbar tomonidan Nurli Pangat mahallasida ijtimoiy soha faoliyati o‘rganildi. Xususan, ijtimoiy xodim tomonidan aholining ehtiyojmand toifalariga ko‘rsatilayotgan xizmatlarning sifat darajasi, kam ta’minlangan oilalarga ijtimoiy nafaqalar hamda moddiy yordamlarni tayinlash va to‘lash jarayonlarining amaldagi holati tahlil qilindi.

O‘rganish davomida fuqarolarga xizmat ko‘rsatish jarayonlarida ochiqlik va adolat tamoyillariga rioya etilishi, hujjatlarni rasmiylashtirishdagi tezkorlik hamda murojaatlarni ko‘rib chiqish samaradorligi masalalariga alohida e’tibor qaratildi. Aniqlangan holatlar yuzasidan mas’ullarga tegishli tavsiyalar berilib, mavjud kamchiliklarni bartaraf etish bo‘yicha chora-tadbirlar belgilandi.