“ЯШИЛ МАКОН” ЛОЙИҲАСИ ДОИРАСИДА ОБОДОНЛАШТИРИШ ИШЛАРИ ДАВОМ ЭТМОҚДА

Халқ депутатлари Янгиқўрғон туман Кенгаши депутати Боймирзаев Улуғбек ташаббуси билан маҳаллада ободонлаштириш ва кўкаламзорлаштириш ишлари изчил давом эттирилмоқда.

Аввал хабар берганимиздек, депутат ташаббуси асосида маҳалла кўчаларига манзарали дарахт кўчатлари экиш ишлари бошланган эди. Айни пайтда мазкур хайрли ташаббус давом эттирилиб, маҳаллага яна 300 дан ортиқ арча кўчатлари келтирилди.

Ҳозирги кунда депутат ташаббуси билан йўл четларидаги бўш ер майдонлари ободонлаштирилиб, улардан самарали фойдаланиш мақсадида манзарали дарахт ва арча кўчатлари экиш ишлари амалга оширилмоқда.

Бу каби ишлар маҳалла ҳудудини янада кўркам ва файзли қилиш, экологик муҳитни яхшилаш, аҳоли учун қулай ва соғлом яшаш шароитини яратишга хизмат қилади.

Ободонлаштириш ва кўкаламзорлаштириш ишларида депутатнинг бевосита иштироки ва ташаббускорлиги маҳалла аҳли томонидан илиқ қарши олинмоқда.