22-Sardoba saylov okrugi deputati F. Butayeva belgilangan grafik asosida joriy yilning 15-aprel kuni saylovchilar oldida hisobot berdi.

Hisobot davomida deputat tomonidan hududda amalga oshirilgan ishlar, bugungi kunda hudud rivoji yo‘lida olib borilayotgan chora-tadbirlar hamda ijtimoiy-iqtisodiy rivojlanish dasturlari doirasida bajarilgan ishlar haqida batafsil ma’lumot berildi.

Shuningdek, fuqarolardan kelib tushgan murojaatlarning ijrosi, aholi bilan yaqindan hamkorlikda ularning muammolarini o‘rganish va ijobiy hal etish borasida amalga oshirilgan ishlar alohida ta’kidlandi.

 Xususan, yo‘l va suv ta’minoti bilan bog‘liq masalalarni hal etish, hudud infratuzilmasini rivojlantirish bo‘yicha olib borilgan ishlar yuzasidan ham to‘xtalib o‘tildi.