Mazkur o‘rganishlar Marg‘ilon shahar Kengashining 2025 yil 12 sentabrdagi “Fuqarolar tashabbusi jamg‘armasi” mablag‘lari hisobidan tadbirlarni moliyalashtirish to‘g‘risidagi VII-13-72-11-168-K/25-sonli qarori ijrosi doirasida tashkil etildi.

O‘rganish jarayonida deputatlar tomonidan O‘rda-tagi mahallasida joylashgan Misgarlik, A.A.I.Sino, Ozodlik maydoni hamda Navro‘z ko‘chalarida amalga oshirilgan ichimlik suvi va oqava suv (kanalizatsiya) tarmoqlarini to‘liq yangilash ishlari ko‘zdan kechirildi.

Qayd etilishicha, mazkur loyiha doirasida hududdagi eskirgan kommunikatsiya tarmoqlari yangilanib, aholi uchun yanada qulay va sifatli kommunal xizmatlar yaratilgan. Eng muhimi, qurilish ishlari yakuniga yetkazilib, qazish ishlari olib borilgan hududlar to‘liq tiklandi hamda yo‘llarning zararlangan qismlari asfaltlashtirilgan.

Deputatlar tomonidan bajarilgan ishlarning sifati, ajratilgan mablag‘larning maqsadli sarflanishi va yakuniy natijalar atroflicha o‘rganildi.