TIBBIYOT SOHASI — KORRUPSIYADAN HOLI HUDUD!

✅Bandixon tumanida aholiga ko‘rsatilayotgan tibbiy xizmat sifatini oshirish va tizimda ochiqlikni ta’minlash maqsadida “Korrupsiyasiz soha” dasturi doirasida navbatdagi targ‘ibot tadbiri o‘tkazildi.

✅Tuman tibbiyot birlashmasida tashkil etilgan ushbu uchrashuvda Xalq deputatlari Bandixon tumani Kengashining Korrupsiyaga qarshi kurashish komissiyasi a’zolari, huquqni muhofaza qiluvchi organ vakillari va tibbiyot xodimlari ishtirok etdi.

✅Uchrashuvda quyidagi mas’ullar so‘zga chiqdi:

✅Erkinjon Jurayev – Komissiya raisi;

✅Azamat Pardayev – Komissiya kotibi;

✅Begzod Ostonov – Tuman prokurori yordamchisi;

✅Elbek Jumanazarov – Tuman Adliya bo‘limi bosh yuristkonsulti;

✅Nodira Allamuratova – Tuman Kengashi deputati, komissiya a’zosi.

✅uchrashuvning asosiy urg‘usi:

✅Uchrashuv davomida korrupsiyaga oid huquqbuzarliklarning oldini olish, shifokor va bemor o‘rtasidagi munosabatlarda shaffoflikni qaror toptirish masalalari muhokama qilindi.

✅Profilaktika: Tibbiyot xodimlari o‘rtasida huquqbuzarliklarning oldini olish va kasb etikasiga rioya qilish.

✅Ochiqlik: “Korrupsiyasiz soha” dasturini hayotga tatbiq etish orqali bemorlar va shifokorlar o‘rtasidagi munosabatlarni shaffoflashtirish.

✅Mas’uliyat: Har bir xodim korrupsiya nafaqat qonuniy javobgarlikka, balki soha rivojiga to‘siq ekanligini chuqur his etishi zarurligi ta’kidlandi.

✅"Tibbiyot — muqaddas soha. Bu yerda inson taqdiri va salomatligi birlamchi o‘rinda turishi lozim. Har qanday korrupsion holat nafaqat qonun buzilishiga, balki xalqning davlatga va tibbiyotga bo‘lgan ishonchiga putur yetkazadi," — deya ta’kidlab o‘tdi komissiya raisi E.Jo‘rayev.

✅"Bizning maqsadimiz – tibbiyotni ta’magirlikdan xoli, xalq ishonchiga sazovor bo‘lgan haqiqiy shifo maskaniga aylantirishdir."