Хalq deputatlari Qo‘qon shahar Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” ning navbatdagi yig‘ilishi o‘tkazildi. 

Yig‘ilishda “Yoshlar daftari” jamg‘armasi hisobidan mablag‘ ajratish to‘g‘risida, 2026-yil 1-chorak yakuni bo‘yicha jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti to‘g‘risida masalalar dastlabki tarzda ko‘rib chiqildi.

O‘zbekiston Respublikasining “Yoshlarga oid davlat siyosati to‘g‘risida”gi Qonuni, O‘zbekiston Respublikasi Prezidentining yoshlarni qo‘llab-quvvatlashga doir qarorlari va O‘zbekiston Respublikasi Vazirlar Mahkamasining VM-312-sonli qarori talablaridan kelib chiqib deputatlar tomonidan atroflicha muxokama qilindi.

2026-yil 1-chorak yakuni bo‘yicha jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar yuzasidan ishlarni doimiy monitoring qilish, jamoatchilik nazoratini olib borish masalalariga urg‘u berildi.

Doimiy komissiya yig‘ilishi so‘ngida mazkur masalalarni navbatdagi sessiya kun tartibiga kiritish to‘g‘risida qaror qabul qilindi.