Yunusobodda kitobxonlik haftaligi doirasida ma’naviy-ma’rifiy tadbir o‘tkazildi

VI Respublika “Kitobxonlik haftaligi” doirasida Yunusobod tuman axborot-kutubxona markazida “Mutolaa olamidagi – kitobxon millat” mavzusida ma’naviy-ma’rifiy tadbir tashkil etildi.

Mazkur tadbirda Xalq deputatlari Yunusobod tuman Kengashi deputati Sanjar Sobirjonov ham ishtirok etdi.

Tadbir davomida kitobxonlikni targ‘ib qilish, yoshlar o‘rtasida mutolaa madaniyatini yuksaltirish, kitobning inson kamolotidagi o‘rni va ma’naviy hayotimizdagi ahamiyati haqida fikr-mulohazalar bildirildi.

Bunday uchrashuv va tadbirlar jamiyatda kitobxonlik muhitini mustahkamlash, ayniqsa, yosh avlodning bilim va tafakkurini boyitishda muhim ahamiyat kasb etadi.

Bizni kuzatishda davom eting!