Xalq deputatlari Uchquduq tuman Kengashi deputati B.Kuzenbayev tomonidan hududda hokim yordamchisi faoliyati hamda aholini kambag‘allikdan chiqarish borasida amalga oshirilayotgan ishlar yuzasidan keng qamrovli o‘rganish ishlari olib borildi.

O‘rganishlar davomida:

— fuqarolarni doimiy daromad manbaiga ega qilish, ularni tadbirkorlikka jalb etish hamda bandligini ta’minlash holati;

— subsidiya va imtiyozli kreditlar asosida amalga oshirilayotgan loyihalar samaradorligi;

— kasb-hunarga o‘qitish, yangi ish o‘rinlari yaratish bo‘yicha olib borilayotgan ishlar atroflicha tahlil qilindi.

 Shuningdek, joylarda amalga oshirilayotgan mikroloyihalar hamda aholining ijtimoiy-iqtisodiy faolligini oshirishga qaratilgan chora-tadbirlar samaradorligi ham ko‘zdan kechirildi.

O‘rganishlar jarayonida aniqlangan ayrim kamchilik va muammolar yuzasidan mas’ullarga aniq ko‘rsatmalar berilib, ularni bartaraf etish bo‘yicha tegishli vazifalar belgilandi.

Deputat tomonidan olib borilgan o‘rganishlar natijasida hududda kambag‘allikni qisqartirish va aholi farovonligini oshirish borasidagi ishlarni tizimli davom ettirish zarurligi ta’kidlandi.