Олтинкўл тумани халқ депутатлари Кенгаши котибият мудири, “Сарой-1” сайлов округидан сайланган депутат У. Холматов бугун “Офтобачек” маҳалла фуқаролар йиғинига ташриф буюрди. Ташриф давомида у маҳаллада амалга оширилаётган ободонлаштириш ишлари, хусусан, ички кўчаларга асфальт ётқизиш жараёни билан яқиндан танишди.

Амалга оширилаётган ишлар маҳалла инфратузилмасини яхшилаш, аҳоли учун қулай шарт-шароитлар яратишга қаратилгани билан аҳамиятлидир. Илгари чанг ва ноҳамис йўллар аҳолига муайян ноқулайликлар туғдирган бўлса, бугунги кунда кўчаларнинг текис ва равон ҳолга келтирилаётгани барчани қувонтирмоқда. Асфальт ётқизиш ишлари белгиланган меъёр ва талаблар асосида, сифатга алоҳида эътибор қаратилган ҳолда олиб борилмоқда.

Депутат ташриф давомида маҳалла аҳолиси билан мулоқот қилди, уларнинг фикр ва таклифларини тинглади. Фуқаролар бу каби ободонлаштириш ишларидан мамнун эканликларини билдириб, келгусида ҳам маҳаллада шундай эзгу ишлар давом этишига умид билдирдилар.