Xalq deputatlari Qibray tuman Kengashi 22-okrug deputati U.Noraliyev hamda Kengash kotibiyati bosh mutaxassisi A.Ashirmatov tomonidan hududlarda olib borilayotgan nazorat tadbirlari izchil davom etmoqda.

Navbatdagi o‘rganish ishlari doirasida ular tuman markazidagi Zebuniso mahallasida faoliyat yuritayotgan “Dori-darmon” dorixonasiga tashrif buyurdi.

Tashrif davomida dorixonadagi dori vositalarining narx-navosi, ularning sifati, assortimenti hamda aholiga ko‘rsatilayotgan xizmat darajasi atroflicha o‘rganildi.

O‘rganish jarayonida aholining dori vositalariga bo‘lgan ehtiyojini ta’minlash, narxlarning asossiz oshirilishining oldini olish va xizmat sifatini yanada yaxshilash yuzasidan tegishli tavsiyalar berildi.

Bu kabi nazorat tadbirlari aholining ijtimoiy himoyasini mustahkamlash va ochiqlikni ta’minlashga xizmat qiladi.