Xalq deputatlari Olmazor tuman 15-Bo'stonobod saylov okrug deputati U.Fayziyeva tumandagi Qichqiriq MFY hududida joylashgan futbol maydoniga tashrif amalga oshirildi. Tashrif davomida mazkur sport inshootining texnik holati, mavjud infratuzilma, maydon qoplamasi, tungi yoritish chiroqlarini hamda xavfsizlik choralarining qay darajada yo‘lga qo‘yilgani atroflicha o‘rganildi.

Shuningdek, hududda istiqomat qiluvchi yoshlarning sport bilan muntazam shug‘ullanishi uchun yaratilgan sharoitlar, ularning bo‘sh vaqtini mazmunli tashkil etish borasidagi ishlar ham tahlil qilindi. Yoshlar bilan bevosita muloqot o‘tkazilib, ularning taklif va muammolari tinglandi.

O‘rganishlar davomida aniqlangan kamchiliklarni bartaraf etish, futbol maydonini ta’mirlash, zarur sport anjomlari bilan ta’minlash, tungi yoritish chiroqlarini yaxshilash hamda hududni yanada obodonlashtirish yuzasidan tegishli mas’ullarga aniq topshiriq va tavsiyalar berildi.

Mazkur tashrif yoshlar o‘rtasida sog‘lom turmush tarzini keng targ‘ib etish, ommaviy sportni rivojlantirish hamda hududlarda mavjud sport infratuzilmasini yanada takomillashtirishga xizmat qiladi.