Qaraózek rayonı Berdaq awıl puqaralar jıyınındaǵı 7-sanlı mektepte Qaraqalpaqstan Respublikası Joqarǵı Keńesine 64-Qarakól saylaw okruginen deputat A.Jumanazarovtıń saylawshılar menen ushırasıwı ótkerildi. 

Ushırasıwǵa aymaqtan rayonlıq Keńeske saylanǵan deputatlar R.Karmisova, G.Minajatdinova, A.Kelimbetova, sekretariat baslıǵı Q.Jaqsımuratov, rayonlıq mákemeler, siyasiy partiya hám máhálleden, ǵalaba xabar qurallarınan wákiller, aymaqta jasawshı puqaralar qatnastı. 

Deputatlar tárepinen 2026-jıldıń birinshi shereginde ámelge asırılǵan jumıslar hám jańadan qabıl etilgen nızam hám qararlardıń mazmunı hámde rayondı social- ekonomikalıq rawajlandırıw baǵdarında ámelge asırılıp atırılǵan jumıslar haqqında maǵlıwmat berdi. Bunnan soń aymaq turǵınları tárepinen ishimlik suwı, ishki jollardı rekonstrukciya qılıw hám tamarqa jerlerine suw alıp barıwshı jap, salmalardı mexaniklıq tazalaw baǵdarında múrájatlar kelip túsip, orınlanıwın deputatlar qadaǵalawǵa alıwı belgilendi.